કોરોના વાઇરસના મહાસંકટ બાદ બિઝનેસને કેવી રીતે પાછો ધબકતો કરવો? ભાગ-1

કોરોનાને કારણે દુનિયાભરમાં જે કેર વર્તાયો છે, એને કારણે વિશ્વ આખાનાં સમીકરણો ઘરમૂળથી બદલશે. દેશોના આપસમાં સંબંધો અને વ્યવહાર બદલશે. આને કારણે દરેક દેશમાં ધંધો કરવાની પદ્ધતિઓમાં ધરખમ ફેરફારો થશે. આવા જબરદસ્ત પરિવર્તનો અગાઉ પણ આવતા રહ્યા છે, પરંતુ એ પરિવર્તનો આટલી ઝડપથી નહોતા આવ્યા. કોરોના બાદ આખું વિશ્વ ઝડપભેર બદલી જશે. એટલે, આપણો ધંધો જેમ ચાલતો હતો, એમ નહીં ચાલી શકે. સતત બદલાતા વિશ્વમાં, નવા વિશ્વમાં કેવી રીતે ટકી રહેવું એ આપણા ધંધાએ શીખવું પડશે. એ ધંધાને ઝડપથી બદલવાનું આપણે પણ શીખવું પડશે.

પરિવર્તનના આ સમયમાં ટકી રહેવા માટે દરેક ધંધાએ પોતાનું નવસર્જન કરવું પડશે. હવે પછીનો સમય અપ્રતિમ પરિવર્તનનો હશે. નવા વિશ્વની નવી વાસ્તવિકતાઓ સાથે તાલ મીલાવવો હશે, તો જૂની વિચારસરણીને, જૂની જડતાને તિલાંજલી આપવી પડશે.

1. અધૂરા પ્રોજેક્ટ પૂરા કરવા

• કોઇ ઓર્ડર અધૂરા હોય એને પૂરા કરવા
• કોઇક ડિલિવરી રસ્તામાં અટકી હોય તો એનો નિકાલ કરાવવો
• રીમોટ વર્ક (વર્ક ફ્રોમ હોમ)ના સમયગાળામાં જે કામો થયાં હોય, કે થઇ રહ્યાં હોય, એનું અપડેટ
• કસ્ટમરોની પેન્ડીંગ ફરિયાદોનો સત્વરે નિકાલ કરાવવો
• બીજા કોઇ પણ નાના-મોટા કામો કે જે અપૂર્ણ અવસ્થામાં હોય એ અહીં લખો…

2. કેશ મેનેજમેન્ટના કામો

• • કોની પાસેથી ઉધારી બાકી છે, એનું લિસ્ટ
  • એમની સાથે લેજર કન્ફર્મેશન અને પેમેન્ટ ફોલો-અપ
  • કોને પૈસા આપવાના બાકી છે, એનું લિસ્ટ
  • એમની સાથે સંપર્ક કરીને શક્ય એટલું પેમેન્ટ ડીલે કરવા માટેની વાતચીત
  • બેન્ક સાથે સંપર્ક કરીને લોનના હપ્તાઓમાં મુદત વધારવાનું પેપર વર્ક અને કઇ રીતે વધારે કેશ અરેન્જ થઇ શકે એની કોશિશ
  • જરૂરી પેમેન્ટનું ક્લીયરીંગ (ફોન, ઇલેક્ટ્રીસીટી, ઇન્ટરનેટ વગેરે વગેરે)
  • આગામી ત્રણ મહિના માટે કેશ-ફ્લોનું પ્લાનીંગ (કેટલી કેશ આવશે, અને કેટલી બહાર જશે એની ગણતરી)

3. કમ્પ્લાયન્સને લગતા કામો

• નાણાકીય વર્ષ હમણાં જ પૂરું થયું છે, એને લગતા પેન્ડીંગ કામોનું લિસ્ટ
• IT, GST, TDS વગેરેના રિટર્ન્સ, પેમેન્ટ જે કંઇ બાકી હોય, તે
• HR Compliance (EPF, ESIC વગેરે)

4. ઇન્વેન્ટરી-સ્ટોકને લગતાં કામો

• • ફીનીશ્ડ પ્રોડક્ટ, રો-મટીરિયલ, WIP સ્ટોકની ગણતરી
  • એમાંથી કંઇક Expiry Goods હોય, તો એનો નિકાલ
  • નાની-મોટી કઇ વસ્તુનો ફરીથી ઓર્ડર આપવાનો છે, એનું લિસ્ટ

5. ટીમ મેનેજમેન્ટ

• • • આપણા કયા માણસોનું શું સ્ટેટસ છે, એની HR Department પાસેથી માહિતી
    • એમાંથી કોણ કામ પર આવ્યું, કે કોણ નહીં આવી શકે એનું અપડેટ
    • કયા માણસોને કેટલો પગાર કે એડવાન્સ અપાયા છે, અને કોને શું આપવાનું બાકી છે, એનું લિસ્ટ
    • રીમોટ વર્કમાં કોણે શું કર્યું છે, એનું અપડેટ
    • રીમોટ વર્ક માટે કોને શું અપાયું હતું, શું પાછું લાવવાનું છે, એનું લિસ્ટ
    • કયા પાસવર્ડ કે રાઇટ્સ બદલવાના છે, એનું લિસ્ટ

6. કસ્ટમર મેનેજમેન્ટ

• • • શક્ય હોય, તો બધા અને જો કસ્ટમરોની સંખ્યા વધારે હોય, તો દરેક મહત્ત્વના કસ્ટમર સાથે કોમ્યુનિકેશન ફરી શરુ કરવું. આપણી કંપનીમાંથી જે કોઇ એમની સાથે વાત કરતું હોય, એ સંવાદ ફરીથી શરુ કરે એ જોવું. કોણ કોની સાથે વાત કરશે, એ જોવું.
    • દરેક કસ્ટમરને આપણે કેવી રીતે આપણી સેવાઓ ફરીથી આપી શકીશું, એમાં કંઇક ફેરફાર હશે, તો એની જાણ કરવી
    • કસ્ટમરો સાથેનો વ્યવહાર ફરીથી નોર્મલ કરવા માટે શું કરવું પડશે, એનું લિસ્ટ

7. સપ્લાયર મેનેજમેન્ટ

• • દરેક સપ્લાયર સાથે સંવાદ-કોમ્યુનિકેશન ફરીથી શરુ કરવું અને એમની વર્તમાન પરિસ્થિતિનું સ્ટેટસ જાણવું.
  • દરેકની સાથેનો વ્યવહાર ફરીથી નોર્મલ કરવા માટે શું કરવું પડશે, એનું લિસ્ટ

8. પ્રોડક્શન મેનેજમેન્ટ

• દરેક મશિનોની કન્ડીશન ચેક કરવી
• જરૂરી રીપેર-મેન્ટેનન્સ કરાવવું
• પ્રોડક્શન કરવા માટે જરૂરી રો-મટીરિયલ, એસેસરીઝ, સ્પેર પાર્ટ્સ વગેરેની વ્યવસ્થા કરવી

9. સેલ્સ મેનેજમેન્ટ

• • જો આપણી ડિસ્ટ્રીબ્યુશન ચેનલ હોય, તો ડિસ્ટ્રીબ્યુટર-ડીલર્સને સંપર્ક કરીને દરેકનું સ્ટેટસ ચેક
  • દરેક સાથે શું કામો બાકી છે, શું લેવડ-દેવડ કરવાની છે, એનું લિસ્ટ
  • આપણી સેલ્સ ટીમના દરેક મેમ્બરને મળીને ફરીથી કેવી રીતે શરૂઆત કરવાની છે, એની તૈયારી અને ટ્રેનિંગ
  • આપણી રીમોટમાં કામ કરતા ફિલ્ડ ફોર્સ સાથે વ્યક્તિગત સંપર્ક કરીને એમને પણે એવી જ ટ્રેનિંગ
  • પેન્ડીંગ ઇન્કવાયરીઓ હોય, તો એને અટેન્ડ કરવી

10. માર્કેટિંગ મેનેજમેન્ટ

• • વિવિધ મીડિયમ પર આપણી કઇ માર્કેટિંગ પ્રવૃત્તિઓ ચાલી રહી છે, એ દરેકનું સ્ટેટસ ચેક કરવું.
  • વેબસાઇટ-સોશિયલ મિડિયા, એપ વગેરે પર કંઇક મેસેજ મૂકવાના હોય, તો એની વ્યવસ્થા
  • આગામી ત્રણ મહિનાઓમાં કઇ માર્કેટિંગ પ્રવૃત્તિ કેવી રીતે ચાલુ રાખવાની છે કે રોકવાની છે, એના નિર્ણયો

11. લોજીસ્ટીક્સ મેનેજમેન્ટ

• • • આપણા પોતાના વ્હીકલ્સ હોય,, તો એ દરેકનું ચેકીંગ કરાવવું અને તૈયાર કરાવવા
    • આપણા નિયમિત ટ્રાન્સપોર્ટ કોન્ટ્રેકટર્સ, કુરિયર્સ વગેરે સાથે સંપર્ક કરીને કોની સેવાઓ કેવી રીતે ચાલુ છે, એની તપાસ કરવી
    • આપણી કઇ ડિલિવરીઓનું ફોલો-અપ કે કન્ફર્મેશન બાકી હોય, તો એ કરાવવું
    • આગામી સમચમાં ડિલિવરીઓ કેવી રીતે થશે, એની તૈયારી કરવી

12. કોમ્યુનિકેશન મેનેજમેન્ટ

• • આપણી ટીમના દરેક મેમ્બર સાથે કોમ્યુનિકેશન કરવું હોય, તો કેવી રીતે થશે, એની વ્યવસ્થા કરવી. કોઇ એક જ પ્લેટફોર્મ પર બધા સાથે કોમ્યુનિકેશન થાય, એવી વ્યવસ્થા કરવી.
  • આપણે અત્યારે જે કરી રહ્યા છીએ, એના વિશેની રેગ્યુલર માહિતી આપણને (ઓફિસ બંધ હોય તો પણ) એક જગ્યાએથી કેવી રીતે મળી શકે એવી વ્યવસ્થા કરવી.
  • હમણાંના સમયમાં દરરોજ અમુક બાબતો વિશેનું અપડેટ, રિપોર્ટ અને માહિતી સંબંધિત ટીમ મેમ્બરોને મળતાં રહે એની વ્યવસ્થા કરવી.
  • ઓફિસ ફરીથી અમુક દિવસો માટે બંધ કરવી પડે, તો આપણી અલગ અલગ ટીમોના મેમ્બર્સ એકબીજા સાથે કેવી રીતે સંપર્કમાં રહેશે, અને જરૂરી મીટિંગ-ચર્ચાઓ કેવી રીતે કરશે, એની ગોઠવણ.